منتدى لي ولحبيبتي Emy

منتدى لنشر صوري والاغاني والالحان الخاصه بي


    بداية العطله ويه حبيبتي - أيمي -

    شاطر
    avatar
    Admin
    Admin

    المساهمات : 38
    تاريخ التسجيل : 16/07/2014
    العمر : 21
    الموقع : بغداد

    بداية العطله ويه حبيبتي - أيمي -

    مُساهمة من طرف Admin في الخميس يونيو 18, 2015 1:18 pm

    العطله ...
    الي جنت اتمناها بفارغ الصبر ... وكلشي جنت امخططله بيها جان يجنن ... وحتى بعد امتحاني الاخير جان ابالي انه اشتري لحبيبتي ورد وهدايه كومه كتقدير لأنه اني مراح اشوفها فتره من الزمن ....
    لكن......
    ليش ......
    يعني الصراحه صعبه كومه اذا كعدنه ومنحتني ساعه من وقتها في سبيل انه ترضيني
    لو الاصعب انه تضيع ساعه من نومها لاجلي ... لو يعني صارت الساعه اغلى من البشر ...هاي اذا مو حبيب
    لا والله من تفوووووو على هيج زمن يكعد الحبيب يذل نفسه من اجل انه يحجي ويه حبيبها بدون ان ااتطلع حجج واعذار حت تغلق الفون وتروح ....
    لكم يا امة الاسلام ليشششششش .... ومن تفوووو عل هلزمن الحقير والكذاب
    انه الحبيبه تكذب في سبيل انه تضحك حبيبها لساعه وتزعله واتضوجه واتبجي لايام ومو بس هذا لا والله تضحكه ساعه وتجرحه ايام وليالي .....
    لك ليش .... خلي نحجي علي صار اليوم
    جنه متواعدين اتجيبلي صور علرام ومثل العاده ... ماكدرت ومصار عندي مجال ووووو
    اريد اعرف من خابرتها وطلع مشغول ومره ثانيه خابرت ودزت عبدالله يجيبلها لفات فلافل مكدرت تجيب الفون وتنقل الصور ....لمدة خمس دقايق بس والله
    والله
    والله
    تكملين مو بس الصور لا والله اتكملين ابوهن...
    زين اوكي والله معذوره ... اني موثقه واتشكين بيه ..شي حلو لكن مو ويايه اني احمد

    المهم شي راح وخلص هيه مواعدتني انه تشتريلي سوار مره كلتلي شتريد هديه كتلها احب السوارات فاشترتلي سوار حتى اتعجبت كتلها سوار واحد بس كلتلي مو غالي
    غالي وابيش يطلع يعني يكتل روحه بخمسه واذا اكثر فضاحكين عليج حبيبتي     واشو تشترين اشياء الج بكومه بس الاكسسوارات ب23 الف واني مااحجي كول بكيفها واني فلوس هدومي اصرفها عليها ....
    وخاصه الدب مل عيد ميلاده لي جنت ناوي اشتري لاختي بس من شفته كلت هذا لعيد ميلادها .... ومن اصرف عليج اكول طز بلفلوس في سبيل فرحها .. واني ملبس داخليه مااشتري في سبيل دااضم الفلوس لعيد ميلادج خو ملابس الطلعه خليه سكته
    ....دائماً اكلها امشي ورايه ومعليج اني اعرف الي ينفعج والي يضرج بس شلون امشي واسمع كلام احمد .... مستحيل
    وج ليش .... ليش .... ليش
    اوكي السوار واحد عله راسي وامقدر صعوبة الامر
    ومره راحت لشريفه (ع) وسوتلي نقش هم قبل اشهر يا حبيبتي يا عمري يا قلبي يا ملاكي ليش متجيبيلياهن .. ها بعد شوكت بعد .. داكلك بعد خلاص لا اتضوجني ...... اوكي يا نور عيوني انتظر واتحمل  زين حبيبتي لشوكت لبعد
    وهاي البعد يوم وره يوم اتجر ال ان وعدتني على اخر يوم بالامتحانات  
    اوكي واشترت بعد اسوار وكذلك عل اخر يوم الامتحانات ...
    جنت متوقها مفاجئه منها انه تفوت للكليه ومن اتلكاها تفاجئني بلهدايا
    المهم اجتي تضحك يابه حبيبتي جبتيلي الهدايه ... هااااا لا كعدت متأخره ومالحكت ..... بوكتها شطت ومتت بمكاني .... بس سكتت كلت خلي يعدي يوم الامتحان على خير ...
    وطلعنه فرحانين وامجاوبين حبيبي امشي خلي نسوي براءه الذمه هاااا مجايبه الكتب زين احنه مو اتفقنه على اخر يوم انسويها سوه ... مابيه حيل اشيلهن خليها عل يوم النتائج ...
    ويوم النتائج هم حاره وهم رمضان وهم تعال افتر .... وهيه تعرفني مااحب اسوي شي اذا مو وياها
    كاعدين واتلح يم علاء احجيلي احجيلي وين البيت علمود شغله مااكدر احجيها حت بلمنتد ... اني كايللها هيه كلمه ومتصير اثنين اموت من واحد يحل ويشلع قلبي انتي بنيه غصباً عليج من اكلج اتسكتين اتسكتين ...
    ولج مو نزلتي راسي ....من علاء يسئلني شلونها وياك اكله متعارضني وولا اتلح وحلينه مشاكلنه واي شي اكللها من اول حجايه تسمعلي واتكلي تأمرني ...
    عل يا اساس انتي كاعده يم علاء واتلحين  احجيلي احجيلي ومن ما احجي اتلحين بلزايد واتكليله لعلاء خلي يحجي هيه الشغله تره مو بلغصب وبعدين ليش من اكلج كدامه اسكتي متسكتين ومن اكلج تعالي يمنه من اتخابرين اتروحين مدري وين .... جنه واكفين يم علاء وفاتوا ثنين يضحكون عليج ويحجون ... وحق الله ماكدرت اسوي شي لان انتي الغلطاننه اذا انتي شامره نفسج ماادري وين ولا عبالك اني حبيبج ولا انتي تخصيني بشي
    شأحجي اكلهم للولد ليش اتضحكون عل حبيبتي يعني ميكدرون يرتكبون عليج بحجي واسوي مشاكل كدام العميد واني شمدريني انتي اشدتسوين بره والمن كاعده اتخابرين ... اجي يمج اتكولين هاي ماما واتسدين الخط بلعجل .... مو زين لسه واثق منج عل تصرفاتج ....ومن اعيط والله من ضيمي وقهري وارجع اصالحج وارضيج ومنا اريد احجي وياج احمد ابو الخط بلباب ... حبيبتي اني اوصلج اريد احجي وياج بعد بعدنه ما متفاهمين ولا حالين مشاكلنه ... هااا مو عندي موعد ويه الدكتور ولازم اطلع في سبيل ارتاح واكل واطلع اني وماما ... قدرت وضعج وماحجيت شي ضجت بس سيطرت عل نفسي بالاوانه الاخيره ....
    وطلعتها ... وصلت للبيت عياط ويايه وانته شرايد وكلسع اتسد الفون بوجهي ...
    وج ليششششششششششششششششششششششششششششششششششششششش
    ابيش تقصيري وياج
    وابيش امأذيج... تره اني انسان هادئ بس ما سئلتي ليش اعيط ... تره مو خبالات ولا تخلف ولا ساعاتي براحاتي مثل ما تتفضلين واتكولين ...
    اني مااعيط ولا اتعارك ولا اصير عصبي اله اذا واحد امأذيني ... واني رجولتي مو بس عليج صح بلعركات انكتل لكنج بعدج مشايفتني من اتعارك ولا شايفه خبالي امي مره شافتني اتعارك بلشارع ابتعدت عني حتى من نمشي كلتلي انته مو احمد ...
    تره الرجوله مو بلعضلات بلعقل وبلمواقف ...  وسالفة انه كرار رجال اكثر منج ... جان ما سوه الي سواه ...
    اني كدامه وكدام الكلي مو اتكولين مو رجال الي يتقاوه على المرأه لا ولله المرأه تنظرب وتنكتل اذا غلطت غلط
    كبير اكو اغلاط مو هينه واحد يسكت عليه ...
    وبلنسبه للرجوله جيبي اي وحد وسئلي وشوفي اني شنو ... راح تلكيني بقمة الرجوله الي تتمناها اي بنيه
    قمة الرجوله انه اني محافض عليج... وانتي فهمي قصدي ...
    المخم نزلت لبغداد ومااحب احجي علكذب مالتها احمد طلعت للدكتور ووره شويه اني نايمه ...... وحق رب الكون ماادري شأكول بعد وشأسوي ...
    رجعت خابرتها طلعت نايمه ... من تحجي ويايه .. شرايد ... اريد انام .... اي كمل .... انته شكد تاكل حصو .. وكلام كومه ...
    وخابرتها وواها احمد اريد اكل ... ووره شويه احمد اريد اكلي البورك !!! ووره شويه بلمستشفى ...
    ياالله شسويت من دريت هيه بلمستشفى .. راح مي وجهي ... كأنه واحد كايليله اهلك وعشيرتك كلهم ماتوا ...
    وخابرت اكثر من مره على ابوها واخابر واحجي ويه امها واحجي ويه اخوها .... المهم صار عندي عيد وفرحت فرحه من سمعت صوتها ...
    والله دللتها وضحكتها ونسيتها هيه مريضه اصلاً الى ان حجيتلها نكت واشاقيت وياها .... كلتلي اريد اكل ... كتلها مو دااحجي وياج
    كالت اريد اكل حتى اخذ العلاج ... ... بقيت ساكت ... جان اتكول يله بيباي ... وانسد الخط
    ووره ساعه ونص او اكثر .... خابرت كلت مستحيل بعدها ممخلصه أكل
    حجيت وياها هم كلام كله رومانسيت وحجي حلو .... ماطولنه خمس دقايق ... اريد انام تصبح على خير ....
    يالله بوكتها صدك استحقرت روحي ... وصدك انجرحت....
    عاد ياريت رحت نامت من سدته بوجهي .... اني من ضوجتي فرت فرت فرت ونزلت جوه ويه كلت لان بعد لو ادك خمسين مره واذل روحي .... هم مراح تفتح خط... صعدت ويه اذان الفجر لكيتها وره ساعد داكه عليه .... وبعدها منايمه .... ووره سعتين هم دزتلي رسالتين ومتصله .... وج ليش  تتهربين مني واتسدي بحجج ووين تروحين وشتسوين ..... وج لثقه بعدها ولسه اثق بيج ليش دتخربين كلشي
    وهاي راحت اول ليله بلعطله الي جانت كل ماتحجي من اكلها خلي نسهر ونحجي بلليل مشتاقلج
    اتكلي بس تجي العطله اسئلها ليش  اتكلي اقرايه وامتحانات ومااكدر اريد اكعد اقره وبلعطله ماعندي قرايه فاسهر وياك
    كل ما جانت تحجي اتكلي اتحمل لاول يوم بلعطله وشوف بلليل شلون رح اعاملك وادللك
    اشو يجي الليل أحمد اريد انام وانتي كعده .... وج  والله ماادري ...
    وفوكاها تسئلني انته دتحس بتقصيري تجهك
    وج اني ميت من تقصيرج تجهي ....
    ميت ميت ميت ميت ميت .............. يشهد عليه ربي ني زعلان عليج ومراضي ...
    زعلان زعلان زعلان
    ليش متقدرين لي دااسوي من اجلج والتضحيه والعناء والتعب الي دااتحمله وياج
    الناس كلها تحسدج عليه بس وغلاتج ولا مره حد كلي احمد حبيبتك تستاهلك وولا يحسدوني وولا شي اصلاً يكلولي عوفها وك هاي متستاهل ذره منك ....
    هاي بداية العطله وهيج الايام لجايه شراح تسوين ...
    ليش يروحي
    ليش يملاكي
    ليش يقلبي
    .... والله أحبج
    والله اموت عليج
    والله اعشقج
    و والله مجنون بيج
    .....  هذا كله ومتقدرين شي
    الله يسامحج ....
    أحبج ....

      الوقت/التاريخ الآن هو الإثنين يوليو 24, 2017 12:36 am