منتدى لي ولحبيبتي Emy

منتدى لنشر صوري والاغاني والالحان الخاصه بي


    عيد ميلاد حبيبتي - أيمي

    شاطر
    avatar
    Admin
    Admin

    المساهمات : 38
    تاريخ التسجيل : 16/07/2014
    العمر : 21
    الموقع : بغداد

    عيد ميلاد حبيبتي - أيمي

    مُساهمة من طرف Admin في الأحد يونيو 14, 2015 9:16 pm

    يوم 12 \6\ 2015 عيد ميلاد حبيبتي أيمي ..
    كل عام وانتي بالف الف الف الف الف خير يا نور عيوني
    خلي نبديها من يوم الاحد الي جانت حبيبتي كل ما تخابرني اتكلي احمد راح تصير مناسبه بل اسبوع تعرفها اكلها لا .... وكل ماتسئل اكلها لا ... وبداخلي اكول مااعرف اي مناسب غير بس عيد ميلادج حبيبتي
    واني من يوم الاريعاء جنت بكربله ونزلت للسوك واشتريت كومة هدايا ونشرات ونفاخات للعيد ميلاد وجان ابالي انه اخليها نايمه واجي لبيتهم يوم الجمعه الصبح احط الكيكه والنفاخات والهدايا وهيه من تكعد حتلكاها مفاجئه الها ...
    صادف يوم الخميس رحت امتحنت الصبح وطلعت من الامتحان ورحت لنسيبي كرار للمحل لكيته طالع فرحت لكربله جبت الهدايا ... طبعاً هذا الحجي كله وما انسى حبيبتي اشسوت بيه ... أني الفلوس مال الهدايا جنت حاطهن دااشتري بيهن ملابس ف فلوس الكراوي والهدايا جانت تخلص الفلوس كتلها حبيبتي محتاج فلوس وليش اداين من الغريب اريد اخذ منج بما انه احنه واحد كلتلي اوكي شكد تريد كتلها لو 25 الف لو 50 الف شكد ما اتكدرين
    فصار يوم الخميس خابرتها الصبح كلتلي اني بلخط هسه كتلها جبتيلي الفلوس كالت نسيت صدك حسيت انه اني واحد ... مااعرف شأكول عن نفسي انه اني محتاجها ضروري ومحتاج الفلوس وهيه نستني وهيه عيد ميلادها مو فدشي ضروري ومانسيته ....
    المهم اداينت فلوس من صديقي علي يوسف 25 الف واتفقت وياه انه اجيب الهدايا من كربله واحطهن ابيتهم ...
    رحت لكربله وجبت الهدايا واني بنفس الهدوم مال الكليه ... ورجعت للحله وحطيت الهدايا يم علاوي ووراها رحت للجوهره هذا محل مال كيك ومعجنات بلحله كالولي احسن شي هو هذا .... المهم حجزت كيكه وكتله على يوم الجمعه اجيك اخذها من الصبح .... رجعت من الجوهره ورحت اتمشه من شارع اربعين ولحد الفلكه مال الأم واني اخابر حبيبتي واحجي وياها ... المهم وصلت لكرار واني ميت جوع مماكل شي من الساعه الخمسه ونص الصبح لحد الساعه الخمسه او السته العصر ... وصلت لكرار وافترينه بلدراجه ورحنه لبيتهم وصارت مشكله ويه اهلي ... فمارجعت للاقسام وضليت بايت يم بيت حبيبتي .... وطلعن بلليل اني وكرار علدراجه اشترينه كرزات وحلويات وركي واني اشتريت جبس وشربت لحبيبتي . ومن رجعت لكيت حبيبتي ظامتلي العشه فاتعشيت ... وبلليل سبحت وظلينه انسولف اني وكرار وخال حبيبتي علاوي .... كرار راح نام الساع 3:20 اما اني وعلي ظلينه للصبح ...علي خليته ينام الساعه بلسته الصبح واني بقيت كاعد ما نمت .... احلى شي من اتفقنه اني وعلاوي ان هو ينام واني اكعدها بلسبعه ونص واني اروح انام ... الحلو من دااكعد ساعه 7:30 اصيح علي ماكو رحت يمه اصيح علي ماكو جان اشيل التلفون الصرصور وكلت بلكي يحس واذا ما حس ابقه اتصل الى ان يكعد فشمرته على راسه اشو ولا عبالك اني لزمتني الضحكه وطلعت بلحديقه يم الدجاج اضحك .... الموقف جان يموت من الضحك وبقيت اتصل الى ان كعد عيون حمر دم وفوكاها حبيبتي كعدته مو هو واني كتله اريدك تكعد بدون ما تحسسها هههههههه .... من كعد كتله شحلمت كال حلمت ابنيه كاعد الحكها وضربتني بلنعال اني طكيت من الضحك كتله وين ضربتك كال على راسي كتله هذا الصرصور ههههههه خطيه ظل يظحك ..... عاد ما شاء الله العائله الكريمه كلها كعدت ما عدا ابو حره وركبت الدراجه وجان يطلع ما بيها بانزين عاد رحت تكسي وجبت الهدايا والكيك ورجعت بتكسي .... وحطيتهن واتريكت وكعدت اني وحبيبتي انطيتها الكيكه وبدلت وطلعت ....
    احلى من هذا كله والموقف الي اثر بيه كومه انو حبيبتي غسلتلي ملابسي وجابتلي حذائي .... بعمري ما حسيت بأهتمامها اكثر من هذا اليوم ...

    عيد ميلاد سعيد حبيبتي وكل عام وانتي بالف خير








    احبج..  احبج..  احبج..  احبج..  احبج..

      الوقت/التاريخ الآن هو الإثنين سبتمبر 25, 2017 7:35 pm